Басылымдар, шығарылымдар

Шаралар

Электрондық мұрағат

ban anticor ru

ban anticor ru

Сіздің назарларыңызға «Фронтовичка» клубының мүшесі, соғыс және еңбек ардагері, Нина Ивановна Мартьянованың  №537 қордағы жеке тектік құжаттарын және фотосуреттерін электрондық түрде ұсынамыз.
Нина Ивановна Мартьянова 1924 жылдың 15 мамырында Рязань облысы Касимов ауданында жұмысшы отбасында дүниеге келді. 1930 жылы отбасымен Владимиров облысының Муром қаласына көшеді. 1932 жылы мектепке барып, 7 сынып бітіреді. Муром қаласында сатушы болып жұмысқа кіріседі.
1941 жылы қазан айында медицина курсын бітіріп, госпитальға мейірбике болып жолданды. 1941 жылдың желтоқсанында әскери санитарлық пойызға санитарлық нұсқаушы болып жіберілді. Сонда екі санитармен бірге жараланғандарды құтқарды, жараланған жауынгерлерді майдан даласынан пойызға апарып, емдеді. Пойызды таратқаннан кейін 603-ші зениттік артиллериялық полк құрамына санитарлық нұсқаушы қызметіне алынды. Полк Старая Русса, Псков, Варшава, Млава және Польшаның басқа да қалаларын азат етті. Жеңісті Берлинде қарсы алды. 1945 жылдың қараша айында әскерден оралды.
Бейбіт өмірінде Орал қаласына келіп, жолдасының туысқандарымен тұрды. Жолдасы-Александр КонстантиновичМартьянов соғыс кезінде зениттік артиллериялық полк командирінің әскери бөлім жөніндегі орынбасары болды. 1950 жылға дейін Нина Ивановна жұмыс жасамаған, себебі екі баласын тәрбиеледі.
1950-1952 жылдары Орал элеваторында лаборант болып қызмет атқарған. 1952 жылы отбасымен Чапаев ауданына көшеді. Аудандық мәдениет бөлімінде, аудандық тұтынушылар одағының кадр жөніндегі нұсқаушысы, кадр жөніндегі және ұйымдастыру жұмысының төрағасы болып жұмыс жасаған. 1962 партия қатарына өтті. Әйелдер кеңесінің төрайымы болып сайланды. 1966 жылы отбасымен Зеленов ауданы Камен совхозының Переметное ауылына көшеді. Балабақшаның меңгерушісі, совхоз технологы болып жұмыс жасады. Сауда техникумын бітірді. Жолдасы қайтыс болғаннан кейін Переметное ауылында тұрды. 1976 жылы Орал қаласына көшіп, 1991 жылға дейін ЦНИИС филиалында бөлім меңгерушісі болып қызмет атқарып, зейнеткерлікке шықты.

Навигация


Веб-сұрау жүргізу

Сайттың қай бөлімі сізді ерекше қызықтырады?

Сайт пайдаланушылары

Қазір 2850 қонақ және Бірде бір тіркелген қолданушы жоқ сайтта отыр