Басылымдар, шығарылымдар

Шаралар

Электрондық мұрағат

Латиев Сары Сарғожаұлы – Маршал Жуков басқарған 1-ші Белорусь майданына қарасты қауіпсіздік комитетінің шекаралық полкіне алынған.  Осы полкте танкке қарсы соғысатын зеңбірекшілер бөлімшесінің командирі болып тағайындалады. Варшаваны жаудан азат етіп, Кенигсбергті алуға қаруластарымен тізе қосып күреседі. 1945 жылдың 22 сәуірінде Шығыс Берлиндегі Трефтов қаласын алып, онда 9 айда кіші лейтенант С.Латиев штаб командирінің кадр жөніндегі жәрдемшісі болып, қызмет етеді. 1945 жылдың 19 желтоқсанында елге оралады.

Латиев Сары Сарғожаұлы 1923 жылы 1 қаңтарда Батыс Қазақстан облысы Сырым ауданы Кособа селолық советіне қарасты Жырақұдық ауылында дүниеге келген. 1940 жылы Жымпиты орта мектебін бітірді. 1940-1943 жылдары ауданаралық колхоз-совхоз театрында актер, әскери комиссариаттың құпия бөлімінде жұмыс істеді. 1943 жылы майданға аттанады. 1945-1947 жылдары әртүрлі жұмыс істесе, 1947-1950 жылдары облгосстрахта, одан кейін 1955 жылға дейін Тайпақ ауданының Есенсай совхозында көмекші бухгалтер болып еңбек етеді.

1955 жылы өзі туып өскен Жымпиты ауданына оралып, аудандық денсаулық сақтау бөлімінде бухгалтер, 1957 жылы ауданда тұтынушылар одағы ашылып, сонда аға ревизор болып орналасады. Осы қызметті 1984 жылға дейін, зейнеткерлікке шыққанға дейін мінсіз атқарады.

С.Латиев «1941-1945 жж ҰОС Германияны жеңгені үшін», «Еңбек ардагері», Кеңес Одағының Маршалы Г.К.Жуковтың медалдарымен, «Отан соғысы»- 1985 ж, Бүкілодақтық фестивальдың күйшілері байқауында алтын медалі (1957 ж), «Советтік тұтынушылар кооперациясының үздігі» (1982 ж) иегері және де басқа да көптеген алғыс хаттармен, құттықтаулармен марапатталған жан.

                   Негіз: Қ-150, т-1, і-1, п-1

БҚО мемлекеттік мұрағаты Сырым филиалының директоры А.А.Шильмуханова

19.01.2015

Латиев

Навигация


Веб-сұрау жүргізу

Сайттың қай бөлімі сізді ерекше қызықтырады?

Мұрағат туралы - 44.1%
Қызметі - 1.9%
Заң - 1.1%
Әдіснама - 0.9%
Шаралар - 2.1%
Анықтамалық - 1.7%
Басылымдар, шығарылымдар - 3.5%
Мәліметтер қорының іздестірілімі - 23.7%
Басқасы - 6.3%

Дауыстардың барлық саны: 985
Бұл сұрау бойынша дауыс беру аяқталды

Сайт пайдаланушылары

Қазір 438 қонақ және Бірде бір тіркелген қолданушы жоқ сайтта отыр